Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 
Тăван чĕлхем! Таса чĕлхем!
Парсам пăлхавлă чунăма.
Пĕр чăнлăх,савăнăç, илем,
Ĕшеннисемшĕн çул çинче.
 
Эс - шанчăк çăлтăрĕ ялан.
Пар ирĕк – çутăрах çунма.
Тискер тăманлă каçсенче
Йыхравлă чан пек янăран.
 
Çунат паратăн çамрăка,
Ватта чун канăçĕ кӳрен.
Сӳнсе кĕлленнĕ кăмрăка
Вуткайăк сывлăшĕ кĕртен.
 
Хыпса çунан çĕршывăма,
Чĕлхем, сипетлĕ çумăр яр.
Хĕвел хĕм панă сывлăма
Мана та пĕр тумлам сыптар.
 
Сĕткенӳпе шăварăнса
Шаланкă евĕр çĕкленем.
Çӳлте çуйхавлăн ярăнса
Этемшĕн савăнăç чĕнем.
 
: 912, Хаçат: 17 (1213), Категори: Чăваш чĕлхи

Çĕнĕ шухăш хуш:

► Сирĕн ят:
► Шухăш: