Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 
Упрăр ачăрсене, амăшĕсем!
(Маргарита Алигер.)
 
«Упрăр ачăрсене, амăшĕсем!
Чĕркуççине ыраттарсан
е кĕпине, ал-урине вараласан –
ăна шывпа çуса яма пулать.
Ун чух пăхсан – чун савăнать.
Ачăрсенче чун сипетне упрасчĕ уйрăмах,
вăл – пуринчен те хаклăрах,
варалансан çуса тасатма çук –
ĕмĕрлĕхех юлать».
Çур ĕмĕр каялла поэт
çапла асăрхаттарнă,
ача амăшĕсем, сире.
Паллах, вуланă хыççăн çын пĕлет –
ун чух ансат чарса лартмашкăн чир-чĕре.
Çĕн ĕмĕрте тупса вуларăм
поэт хăварнă çак ăс пĕрчине.
Анчах та мĕн-ха асăрхарăм:
çак кĕнеке страницине
вулавăшра хальччен никам уçса курман,
страници касăлмасăр юлнă, вуламан.
Çапла вара эп çак йĕркесене
малтанхи хут уçса вуларăм.
Тĕлĕннипе çапла шутларăм:
«Ача амăшĕсем вулавăшра пулман,
поэт ыр канашне, шел, вырăна хуман,
ачи-пăчисенче чун сипетне çухатнă, упрайман.
Лешсем ӳссе çитейнĕ тирĕс,
синкер килсе çитсен çĕкленеймерĕç хирĕç.
Çакна пула паян куратпăр шар,
чĕресенче – нихçан сӳнми пушар.
 
27.03.2013.
 
: 1026, Хаçат: 27 (1223), Категори: Поэзи хумe cинче

Çĕнĕ шухăш хуш:

► Сирĕн ят:
► Шухăш: