Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 
Çепĕççĕн, сулмаклăн,
Савăккăн, хăватлăн
Янăратăн эсĕ, ман чĕлхем.
Тимĕре тататăн,
Чул сăрта вататăн,
Сӳннĕ вучахра та эс чĕртен хĕлхем!
 
Савнă ялăмра-и,
Шавлă хулара-и –
Сан сассун йыхравĕ пуçтарать пире.
Атăлăн – Мускавăн
Илтĕнет мухтавлăн,
Çитмĕл çичĕ халăх саламл хитре!
 
Ĕмĕрсем пилленĕ
Халăхăн илемĕ,
Кунсерен çĕкле эс иксĕлми вăйна!
Чăвашлах хавассăн
Калаçать Некрасов,
Пушкин та, Шекспир та йышăнчĕç сана!
 
Эп сана шанатăп,
Эп кĕтсех тăратăп:
Килĕ Улăп ывăл – Горькие юлташ.
Вăл сана чап кӳрĕ,
Тĕнчипех вăл çӳрĕ –
Мирпеле канашăн юрăçи – Чăваш!
 
: 784, Хаçат: 30 (1226), Категори: Чăваш чĕлхи

Çĕнĕ шухăш хуш:

► Сирĕн ят:
► Шухăш: