Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 
 
Çулçуревре пулнă май эпĕ Павловкăри Пултарулăх çуртне кĕтĕм. Унта шахмат турнирĕ иртрĕ.
Кунта чылайранпа шахмат кружокĕ ĕçлет, ăна вăтам шкулти технологи вĕрентӳçи Юрий Павлович Карев ертсе пырать. Кружока тĕрлĕ классенче вĕренекен вунă ача çӳрет, чи çамрăкки 10 çулта. Унта вĕсем кашни вырсарникун пухăнаççĕ.
Турнир хыççăн эпĕ сакăр ачапа пĕр харăс шахматла вылярăм. Вĕсене ку япала усăллă пулчĕ пулĕ тесе шутлатăп, мĕншĕн тесен вĕсен опычĕ сахалтарах-ха. Эп вĕсене вылянă вăхăтрах йăнăшĕсене кăтартса, комбинаци тума май пуррине каласа пытăм. Шахматра 10-20 куçăмран мĕн пулма пултарнине курма пĕлмелле, ăсра темиçе вариант тытса тăмалла. Ахальтен каламаççĕ пулĕ: «Шахмат — ăс гимнастики», - тесе.
Ку кружокри хăш-пĕр ача пысăк çитĕнӳсем тума пултарасса шанатăп.
 
: 574, Хаçат: 45 (1241), Категори: Çулçӳрев

Çĕнĕ шухăш хуш:

► Сирĕн ят:
► Шухăш: