Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 
Август пуçламăшĕнче Ульяновск облаçĕнчи чăвашсен наципе культура центрĕнче облаçри патшалăх архивĕпе ĕçлĕ тĕлпулу иртрĕ.
 
Унта УОЧНКА пуçлăхĕ В.И.Сваев, А.Ф.Юман поэт, облаçри тĕп архивĕн сотрудникĕ Р.В.Макарова, Л.А.Васильева вĕрентӳçĕ тата "Канаш" хаçат ĕçченĕсем хутшăнчĕç. Вĕсем Ульяновск облаçĕнчи тĕп архивпа тачă çыхăнса кунти чăваш халăхĕн культурине тата историне тĕпчесе пĕлмелли ыйтăва хускатрĕç.
Облаçри тĕп архивăн шырав пайĕн пуçлăхĕ Р.В.Макарова Атăлçи регионсенчи чăвашсен историпе культури çинчен архивра нумай документ упранни пирки каларĕ. В.И.Сваев чăваш халăх традицийĕпе этнокультурине упрас енĕпе облаçра тĕрлĕ мероприятисем ирттеретпĕр тесе пĕлтерчĕ, А.Ф.Юман чăваш интеллигенцийĕн пуянлăхĕ архивра упранни пысăк пĕлтерешлĕ пулнине палăртрĕ.
Роза Макарова архив пуçлăхĕсен ятĕнчен Аслă Çĕнетрĕве 70 çул çитнине халалласа регионсен хушшинчи историпе архив конференцийĕн материалĕсем тăрăх пухса кăларнă "Документы личных фондов и коллекций как источник патриотического воспитния подрастающего поколения" ятлă кĕнекине "Канаш" хаçат редакцине парнелерĕ.
 
: 616, Хаçат: 31 (1329), Категори: Тĕлпулу

Çĕнĕ шухăш хуш:

► Сирĕн ят:
► Шухăш: