Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 
Чăвашсен тĕп хулинче ентешлĕхсен Туслăх аллейине уçрĕç.
Шупашкарта Чăваш Республикинчи районсен ентешлĕхĕсем нумай çул ăнăçлă ĕçлеççĕ. Республика тулашĕнче çуралнă, Шупашкара килсе тĕпленнĕ чăвашсем те хăйсен ентешлĕхĕсене йĕркеленĕ. Туслăн ĕçлесе пурăнаççĕ вĕсем, ялан пĕр-пĕрне пулăшма хатĕр.
Ентешлĕх ертӳçисен канашĕ йышăнăвĕпе, Шупашкар хула администрацийĕ пулăшнипе çак кунсенче «Çĕнтерӳ» асăну паркĕнче ентешлĕхсен Туслăх аллейи уçăлчĕ. Халĕ Шупашкарта кашни ентешлĕхĕн хăйĕн йывăçĕ пур. Чĕмпĕр тăрăхĕнчен тухнисем те ку ĕçрен пăрăнса юлмарĕç. Ентешлĕх хастарĕсем – унăн ертӳçи Александр Вражкин журналист-издатель, Чăвашрадио ĕçченĕ Николай Мулянов, Шупашкар районĕн «Бичурин тата хальхи самана» музей директорĕ Ирина Удалова çăка лартрĕç. Чĕмпĕрсем Шупашкара килсессĕн хăйсен йывăçĕ патне çитме вăхăт тупасса шанатпăр.
Паркра ӳстĕр чĕмпĕрсен çăки, кашлатăр Туслăх аллейи!
 
: 226, Хаçат: 20 (1369), Категори: ентешсем

Çĕнĕ шухăш хуш:

► Сирĕн ят:
► Шухăш: