Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 
Эй, тăван чĕлхемĕр!
Эсĕ чăваш юманĕ пек ватă та патвар, хăвăн хăватна çухатмасăр, ĕмĕртен-ĕмĕр, çултан-çул тĕрекленсе ӳсетĕн, юман вутти пек хĕрӳллĕн çунатăн; чĕре кӳтсе çитсен – ăшăтатăн; кирлĕ чухне çунтаратăн; тăваншăн эсĕ –тĕттĕмри çул маякĕ; тăшманшăн тытамакĕ. Эсĕ чăваш тĕрри пек паха та илемлĕ, асамлă та ытарлă. Эсĕ чăваш юрри пек кĕвĕллĕ те янăравлă; санра чунра ачашлама е амантма, çĕклеме е ӳкерме, хавхалантарма, çунатлантарма хăват пур; вăрман пек пуян, хир пек уçăмлă эсĕ. Сан иксĕлми хăватупа таса илемӳ çултан-çул палăрсах пыринччĕç.
Эй, аслă асаттемĕрсен кивелми чаплă чĕлхи! Ирĕклĕ çĕршывра ирĕклĕн янра эсĕ! Тайма пуçăм сана!
 
: 1051, Хаçат: 21 (1165), Категори: Чăваш чĕлхи

Çĕнĕ шухăш хуш:

► Сирĕн ят:
► Шухăш: