Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 

Кăлаткăпуç каччи – виççĕмĕш

 
Чӳкĕн 1-4-мĕшĕсенче Мускавра професси маçтăрĕсен 2-мĕш уçă ăмăртăвĕ иртнĕ. Унта РФ 25 регионĕнчен 500 ытла вĕренекен хутшăннă. Вĕсен ĕçне 160 эксперт хакланă.
Çамрăксем 17 специальноçпа ăмăртнă. Вăл шутра металл шăратасси, автомеханика, мехатроника, автомобильсене юсаса пĕветесси, вентиляци тытăмне вырнаçтарасси, хăйрасси, цифрăллă тата фрезер станокĕсемпе, робот техникипе, медицина оптикипе ĕçлесси, ювелирсен, поварсен, парикмахерсен, косметологсен ăсталăхĕ тата ытти те. Ульяновск облаçĕнчен ăмăртăва виçĕ çамрăк хутшăннă. Кăлаткăпуçĕнчи технологипе техника колледжĕнче вĕренекен Антон Лёвин «Автомеханика» номинацире 3-мĕш вырăн йышăннă.
-Пирĕн регионта вĕренекенсем иккĕмĕш хут çĕнтерӳçĕсен йышне кĕчĕç. Пирвайхи хут кăçалхи çу уйăхĕнче Кăлаткăпуç районĕнчи Дмитрий Малюткин та çав номинацирех çĕнтернĕччĕ.

Текста малалла вулăр...

Митинга 15 пин çын хутшăннă

 
Халăхсен пĕрлĕх кунĕпе çыхăннă савăнăçлă митингпа шестви Ульяновск облаçĕнчи пур муниципаллă пĕрлĕхре те иртнĕ, унта 15 пин çын хутшăннă.
Чӳк уйăхĕн 4-мĕшĕнче Аслă вăрçăра çĕнтернĕренпе 30 çул çитнĕ ячĕллĕ лапамран тытăнса В.И.Ленин лапамĕ таран халăхпа пĕрле Сергей Морозов кĕпĕрнаттăр, Саккунсем кăларакан Пуху председателĕ Анатолий Бакаев, Ульяновск хули пуçлăхĕ Марина Беспалова, Раççейри «Народный фронт «За Россию» организацийĕн регионти уйрăмĕн сопредседателĕ Олег Мустаев, 31-мĕш десантпа штурм бригадин командирĕ, Раççей Геройĕ Геннадий Анашкин утнă. Митингра вĕсем çынсене патшалăх тата тĕн уявĕсемпе саламланă.
– 400 çул каялла пĕтĕм Раççей халăхĕ – нацине, мĕнле тĕне пăхăннине пăхмасăр – çĕршыва пĕтесрен сыхласа хăварас тĕллевпе çĕкленет. Çак пысăк та пĕрлĕхлĕ çĕршывра пурăннишĕн пирĕн Козьма Мининпа Дмитрий Пожарские тав тумалла.

Текста малалла вулăр...

Область малтисен шутне кĕнĕ

 
2013 çулхи кăрлач-çурла уйăхĕсенче Раççейре 1 миллион ытла ача çуралнă, ку пĕлтĕрхи çак вăхăтринчен 1,7 пин ытларах. РФ сывлăх сыхлавĕн министерстви пĕлтернĕ тăрăх, çĕршывăн 41 регионĕнче çуралакан ачасен шучĕ ӳснĕ.
Сăмах Тутарстан, Хабаровск крайĕ, Самар, Ульяновск, Новосибирск облаçĕсем тата Санкт-Петербург хули пирки пырать. Ульяновск облаçĕнчи сывлăх сыхлавĕн министрĕ Валентина Караулова пĕлтернĕ тăрăх, юлашки пилĕк çул хушшинче пирĕн облаçра çуралакансен шучĕ 7,8 процент ӳснĕ. Кăçалхи сакăр уйăх хушшинче 9854 ача çурални çинчен свидетельство илнĕ, ку пĕлтĕрхи çак вăхăтпа танлаштарсан 312 ача ытларах. Унсăр пуçне ачасем вилесси 24 процент чакнă. Çакă йăлтах ача кĕтекен хĕрарăмсене тимлĕх уйăрнипе çыхăннă. 2012 çулта ача-пăча валли 58 çурт юсаса хута янă, ачасене сиплемелли учрежденисенче хальхи вăхăтри 611 медицина оборудованине вырнаçтарнă.

Текста малалла вулăр...

Кĕрхи ĕçсем вĕçленсе пыраççĕ

Регионти хуçалăхсенчен чылайăшĕ техника культурисене, пахча çимĕçе тата çĕр улмине пуçтарса кĕртнĕ.
Юпан 22-мĕш тĕлне чĕкĕнтĕре облаçри 8,7 пин гектар çĕр лаптăкĕ çинчен (69 процент) 289 пин тонна кăларса илнĕ. Тухăçлăхĕ гектартан 332 центнер.
Чăнлă районĕ ку енĕпе ытти районсенчен малта пырать, акнă лаптăкăн 74 процентне пухса кĕртнĕ. Чартаклă районĕ тухăçлăхĕпе палăрать – гектартан 462 центнер. Чартаклăсем çак пылак çимĕçе 1278 гектар çинчен кăларса ăсатнă. Ульяновск районĕ 823 гектар çинчен (32 пин тонна) кăларма ĕлкĕрнĕ, тухăçлăхĕ гектартан 391 центнер.
Хĕвелçаврăнăша 90 пин гектар çинчен (54 процент) пухса кĕртнĕ, тухăçлăхĕ гектартан 13,1 центнер. Чи пысăк тухăç — Ульяновск тата Тереньга районĕсенче. Хастарлăхĕпе Мелекесс, Çĕнĕ Спасск тата Ульяновск районĕсем палăраççĕ.

Текста малалла вулăр...

«Ылтăн кĕркунне-2013»

Кашни çулах Мускавра иртекен «Ылтăн кĕркунне» ял хуçалăх куравне Сергей Морозов кĕпĕрнатттăр хутшăннă.
Раççейри ял хуçалăх министерстви, ял хуçалăх академийĕ тата Мускав правительстви йĕркелекен куравра Ульяновск облаçне 72 тăваткал метрлă вырăн уйăрса панă. Унта регионти тĕп ял хуçалăх предприятийĕсем - «Алев», «Тепличное», «Димитровградкрупоза вод», «Глобус-Альянс», «Диком», «Завод Трёхсосенский», «Симбирск Бройлер», «Ульяновский сахарный завод», «Волжанка» - хăйсем кăларакан апат-çимĕçе курава тăратнă, унта йĕркеленĕ конкурссене хутшăннă.
Ульяновск область экспозицине РФ Патшалăх Думин депутачĕсем Анатолий Карпов тата Ирина Роднина пырса курнă.
Тĕнчери ял хĕрарăмĕсен кунĕ
Юпа уйăхĕн 15-мĕшĕнче Ульяновскра Тĕнчери ял хĕрарăмĕсен кунне паллă тунă.

Текста малалла вулăр...

Хуçалăхсем чĕкĕнтĕр кăлараççĕ

Ял хуçалăх министрĕ Александр Чепухин пĕлтернĕ тăрăх, облаçра 13 пин гектар сахăр кăшманĕ акнă. Авăнăн 30-мĕш тĕлне 2 пин те 700 гектар çинчен 87 пин те 280 тонна кăларнă. Тухăçлăхĕ гектартан 325 центнер. Пысăк тухăçпа Чартаклă районĕ палăрать (гектартан 494 центнер). Чи нумай чĕкĕнтĕр кăларакансем – чăнлăсем. Вĕсем ку тĕле 64 пин те 210 тонна кăларнă.
Ульяновскри сахăр тăвакан завод чĕкĕнтĕр йышăнма тытăннă. Унта ку тĕле 60 пин ытла пылак тымар çимĕç пухăннă. Облаçри мĕнпур районта çĕр улми тата пахча çимĕç кăларас ĕç хĕрсе пырать. 545 гектар çинчен 9  пин те 800 тонна пуçтарса кĕртнĕ (тухăçлăхĕ гектартан 180,2 центнер). Çĕр улмине 845 гектар çĕр лаптăкĕ çинчен 10 пин те 400 гектар кăларнă (тухăçлăхĕ — 124 центнер). Тĕш тырă тата пăрçа йышши культура 924 пин тонна вырса илнĕ (тухăçлăхĕ – 20,9 центнер). Атăлçи тăрăхĕнчи федераллă округра тĕш-тырă тухăçлăхĕпе пирĕн область иккĕмĕш вырăн йышăнать.

Текста малалла вулăр...

Çĕнĕ министра суйланă

 
Валентина Караулована Ульяновск область правительствин председателĕн çумне – Ульяновск облаçĕн сывлăх сыхлавĕн министрне çирĕплетнĕ.
Вăл регионти сывлăх сыхлавĕн тытăмне, ĕçпе социаллă аталану министерствипе физкультурăпа спорт департаменчĕн тата çемьепе демографи политикин департаменчĕн ĕçĕсене йĕркелессипе çыхăннă ыйтусене илсе пырĕ.
Кĕске справка. Валентина Караулова чылай çул хушши Димитровград хулинчи сывлăх сыхлавĕн тытăмне ертсе пынă, хула пуçлăхĕн çумĕ пулса социаллă ыйтусемпе ĕçленĕ. 2010 çулхи чӳк уйăхĕнче ăна регионти сывлăх сыхлавĕн министрĕн пуканне шанса параççĕ, кăçал утă уйăхĕнче ăна Ульяновск область правительствин председателĕн çумне суйлаççĕ.
Грипран сыхланатпăр
Сергей Морозов кĕпĕрнаттăр грипп тата ОРВИ чирĕсенчен сыхланмалли мерăсем йышăнма хушнă.

Текста малалла вулăр...

Грипран прививка тума тытăннă

Облаçра 77 пин виçе «Гриппол плюс» вакцина туяннă. Хальхи вăхăта 5 пин ачана прививка тунă. Кăçал пурĕ 285 пин çын – çав шутра 73 пин ача, 8 пин студент, 21 пин медицина ĕçченĕ, 20 пин вĕренӳ ĕçченĕ, 115 пин ватă çын вакцинаци иртмелле.
Сывлăх сыхлавĕн министерстви куллен облаçри эпидемиологи лару-тăрăвĕпе кăсăкланать. Облаçра гриппа чирлекенсене тупса палăртман, вирус инфекцийĕпе 4 пин ытла çын чирленĕ.
Облаçри тĕп эпидемилог ĕçне илсе пыракан Венера Аббязова сăмахĕпе, вакцинăсене сиплев учрежденийĕсене валеçсе панă. Ачасене, ватăсене, медицинăпа вĕренӳ, тивĕçтерӳ учрежденийĕсен ĕçченĕсене прививка тӳлевсĕр тăваççĕ. Ытти çĕрте хăйсен ĕçченĕсене прививка тăвас ыйтăва предприятисен пуçлăхĕсем татса параççĕ.
Вакцинаци – гриппа кĕрешмелли чи тухăçлă, мел, чирлекенсен йышне икĕ хут чакарма май парать.

Текста малалла вулăр...

Çĕнĕ пуçлăха çирĕплетнĕ

Саккунсем кăларакан Пухăвăн депутачĕсем авăн уйăхĕн 8-мĕшĕнче иртнĕ суйлав хыççăнхи пĕрремĕш ларура хăйсен ертӳçи пулма Анатолий Бакаева суйланă.
Вăл унччен пирĕн регионри ШĔМ управлени пуçлăхĕнче, кайран УлППУ ректорĕнче вăй хунă.
Унăн пĕрремĕш çумĕн вырăнне Ульяновск облаçĕн прокурорĕ пулнă «Пĕрлĕхлĕ Раççей» партин членĕ Валерий Малышев йышăннă.
Пухнă тухăçа — пӳлмене
Авăн уйăхĕн 9-мĕш тĕлне облаçри хирсенчи тĕш-тырра тата пăрçа йышши культурăсене 433,8 пин гектар çĕр лаптăкĕ çинчен 910,2 пин тонна вырса кĕртнĕ (93,5 процент).
Барăш, Радищево, Кузоватово тата Тереньга районĕнсенче тырçи вĕçленнĕ. Ытти районсенче мĕнпур лаптăкăн 10 проценчĕ юлнă. Кăçалхи тырçи кăтартăвĕсемпе пирĕн область Атăл тăрăхĕнчи 14 регион хушшинче саккăрмĕш вырăн йышăнать.

Текста малалла вулăр...

Граждансене – йӳнĕ те хăтлă хваттер

РФ Президенчĕн Хушăвне пурнăçласа Ульяновск облаçĕнче граждансене хăтлă тата йӳнĕ пурăнмалли вырăнсемпе тивĕçтерес ĕç малалла пырать.
Регионти строительство министерстви пĕлтернĕ тăрăх, çак ĕçе пурнăçласа федераллă çĕрсем çинче перекетлĕ майпа тунă çурт-йĕр хăпартаççĕ.
Кăçал строительство валли региона федераллă çĕрĕн 96 гектарне панă. Ку çĕрсем Карсун, Чартаклă районĕсенче тата Димитровград хулинче.
Строительствăна аталантарма пулăшакан правительство комиссийĕ çак кунсенче «Заволжье» промышленность зонинче çурт-йĕр тăвассипе çыхăннă çĕнĕ предприяти хăпартма 10,88 тата 6,9 гектарлă икĕ çĕр лаптăкĕ уйăрма шантарнă.
Нумай ачаллă çемьесем пирки калакан хушăва пурнăçласа облаçра çак категорири граждансене тӳлевсĕр 800 çĕр лаптăкĕ уйăрса панă.

Текста малалла вулăр...

Культурăна аталантарасшăн

 
Регион пуçлăхĕ культура ыйтăвĕсемпе çыхăннă Канаш ларăвне ирттернĕ.
Кĕпĕрнаттăр ларура : «Культура политики – Ульяновск облаçĕн аталанăвĕн пĕр пайĕ, - тесе палăртса хăварнă. – Кĕпĕрнаттăр çумĕнчи культура ыйтăвĕсемпе ĕçлекен Канаш членĕсенчен эпир, власть органĕсен членĕсем, хăй тĕллĕнлĕх, пуçарулăх, çак отрасле ертсе пырас ĕçре хастарлăх кĕтетпĕр».
Ульяновск облаçĕн искусствăпа культура политикин министрĕ Татьяна Ившина çирĕплетнĕ тăрăх, Канаш йышĕнчен тӳресемпе патшалăх культура учрежденийĕсен ертӳçисене кăларнă.
Унта халĕ вĕрентӳ, театр, музей представителĕсем, пултарулăх ушкăнĕсене ертсе пыракансем, массăллă информаци
хатĕрĕсен ĕçченĕсем, обществăлла организацисен ертӳçисем кĕнĕ.
Мероприятире культура отраслĕн представителĕсем регионра Пĕтĕм тĕнче шайĕнче иртекен виççĕмĕш культура форумĕнче пăхса тухмалли ыйтусене сӳтсе явнă.

Текста малалла вулăр...

Çĕнĕ вĕренӳ çулне хатĕр

 
Ульяновск облаçĕнче шкулсемпе шкулчченхи учрежденийĕсем çĕнĕ вĕренӳ çулне хатĕррине тĕрĕслеме пуçланă.
Кăçал патшалăх пушар надзорĕн органĕсен пурĕ 897 вĕренӳ учрежденине тĕрĕслемелле, вĕсенчен 464 шкула, 366 ача садне тата ачасене хушма пĕлӳ паракан 67 учреждение.
Вĕсене йĕркене кĕртме кăçал 400 миллион тенкĕ уйăрса панă. Хальлĕхе 162 миллион тенкипе кăна усă курнă.
Облаçри 20 шкул вĕренӳ çулне хатĕррине çирĕплетнĕ: Димитровград хулинче – 7, Кузоватово районĕнче – 6, Мелекесс районĕнче – 4, Тереньга районĕнче – 2, Инза районĕнче – 1.
Апат-çимĕç йӳнелнĕ
Ульяновск облаçĕнче хăш-пĕр апат-çимĕç хакĕсем чакнă.
Статистика кăтартăвĕсемпе, пăрупа сысна, чăхă ашĕ, пĕçерсе тунă кăлпасси, ӳсен-тăран çăвĕ, шăнтнă пулă, тăвар, çăнăх, çăкăр, вир кĕрпи, вермишель, чĕрĕ купăста, кишĕр, панулми йӳнелнĕ.

Текста малалла вулăр...

Тыр çи вăй илсе пырать

 
Утă уйăхĕн 22-мĕшĕ тĕлне Ульяновск облаçĕнчи уй-хирте 78 пин гектар пĕрчĕллĕ тата пăрçа йышши культурăсене çапса кĕртнĕ (14, 2%, 189,5 пин тонна, тухăçлăхĕ - гектартан 24, 3 центнер).
Регионри тăхăр хуçалăх пăрçана тухнă (2,3 пин гектар çапнă, 4 пин тонна пуçтарса илнĕ, тухăçлăхĕ – гектартан вăтамран 17,2 центнер). Мелекесс, Çинкĕл, Ульяновск, Чăнлă тата Чартаклă районĕсенчи хуçалăхсем пурĕ 1,1 пин гектар урпа çапса 2500 тонна пуçтарса илнĕ (гектартан – 22,6 центнер).
Ял хуçалăх министрĕ Александр Чепухин каланă тăрăх, тыр çинче Çĕнĕ Спасск районĕ малта пырать.
Майна районĕнчи Василий Козлов фермер хуçалăхĕ гектартан 50 центнер кĕрхи тулă çапса илнĕ. «Пирĕн 800 гектар çинчен кĕрхи культурăсем пуçтарса илмелле. «Спектр» тата «Марафон» сортсен тухăçлăхĕ – чи пысăкки», - тет пуçлăх.

Текста малалла вулăр...

Михаил Сычев – Шалти ĕçсен политикин министрĕ

 
Михаил Сычев 2008-2011 çулсенче çурт-йĕрпе коммуналлă хуçалăх тытăмĕнче ертӳçĕре ĕçленĕ. 2013 çултанпа – Ульяновск область правительствин председателĕн çумĕ.
Çак кунсенче Сергей Иванович Морозов хушăвĕпе Михаил Сычев малашне массăллă коммуникацисен тытăмĕнчи политикăна пурнăçа кĕртмелли ыйтупа, вырăнти хăйтытăмлăха аталантарассипе, коммерциллĕ мар организацисене пулăшассипе, регионти тата муниципалитетсем хушшинчи программăсемпе ĕçлĕ. Çаплах Михаил Сычев нацисемпе, обществăлла пĕрлĕхсемпе, тĕрлĕ конфессисемпе çыхăннă ыйтусене, регионти çамрăксен политикине пурнăçа кĕртессине тĕрĕслесе тăрĕ.
 
Çичĕ фермер гранта тивĕçнĕ
Çак кунсенче Ульяновск облаçĕнчи Саккунсем кăларакан Пухăвăн ял хуçалăхĕпе, çут çанталăк пуянлăхĕпе тата вăйĕсемпе усă курасси, экологи комитечĕн представителĕсем хресченсемпе фермерсен хуçалăхĕсене аталанма грантсем парассипе иртнĕ пĕтĕмлетӳ ларăвне хутшăннă.

Текста малалла вулăр...

Тырçи тапхăрĕ пуçланчĕ

Ульяновск облаçĕнчи ял ĕçченĕсем кĕрхи культурăсене пухса кĕртес ĕçе пикеннĕ. Мелекесс, Николаевка, Çĕнĕ Спасск, Радищево, Чăнлă тата Чартаклă районĕсенчи хуçалăхсем кĕрхи шăпкана (рыжик) çапма тухнă.
Экспертсем çирĕплетнĕ тăрăх, ку культура облаçра ӳсекеннисем хушшинче чи малтан ĕлкĕрекеннисенчен пĕри шутланать. Унсăр пуçне районта шăрăх çанталăк тăрать, çавăнпа та пур культурăсем те кĕтнинчен икĕ эрне маларах ĕлкĕреççĕ. Паянхи кун тĕлне кĕрхи шăпкана 1010 гектар çинче çулнă, 1,2 пин тонна çапнă. Тухăçлăхĕ гектартан 7рен пуçласа 15 центнер таран.
Ку техника культурине пуринчен ытла Чартаклă (5,4 пин гектар), Мелекесс (3,1 пин) тата Карсун (2,8 пин) районĕсенче акнă. Пĕтĕмĕшле вара ăна 17,9 пин гектар çинчен пухса кĕртмелле.
Ульяновск область правительствин председателĕн çумĕн – регионăн ял хуçалăх министрĕн Александр Чепухинăн сăмахĕпе, паянхи кун тĕлне чылайрайонта кĕрхи пĕрчĕллĕ культурăсен тĕшши хыта пуçланă е пиçсе çитсе пырать, çавăнпа та утă уйăхĕн иккĕмĕш çурринче пурте ĕççине тухас шанчăк пур.

Текста малалла вулăр...

Хаксем ӳсрĕç

 
Раççей Федерацийĕнче çурт-йĕрпе коммуналлă хуçалăхăн тӳлевĕсем утă уйăхĕн пĕрремĕшĕнчен 12 процент ӳсеççĕ, çут çанталăк газĕшĕн – 15 процент. Владимир Путин Президент сĕнĕвĕпе коммуналлă тивĕçтерӳсемшĕн хаксене малашне çулталăкра пĕрре кăна, утăн пĕрремĕшĕнче ӳстерĕç. Пирĕн облаçра та çапла. Кун пек туни хваттершĕн тӳлекенсене çăмăллăх кӳрет, мĕншĕн тесен çуллахи вăхăтра хваттере ăшăтнишĕн тӳлемелле мар.
Ульяновск облаçĕнче пурăнакансемшĕн электроэнерги 11,9 процент ӳсет, пĕр киловатт хакĕ 2 тенкĕ те 81 пус пулать, электричество плити лартнă çуртсенче тата ялсенче – 1 тенкĕ те 95 пус.
Ăшăпа тивĕçтернĕшĕн регионти районсенче хаксем тĕрлĕрен ӳсĕç, анчах та 12 процентран ытларах мар: Ульяновск хулинче – 10-11,7 процент, Димитровградра – 10-10,5, муниципаллă пĕрлĕхсенче – 8,1 - 12.

Текста малалла вулăр...

Ача сачĕ уçăлĕ

Тереньга районĕнчи ялсенче пулса курнă хыççăн Сергей Морозов кĕпĕрнаттăр Подкуровка ялĕнчи ача сачĕ пулнă çуртран каялла садик тумалли пирки каланă. Çак тĕллевсемпе 25 миллион тенкĕ уйăрма палăртнă. Йышăнăва кӳршĕ ялсенчи – Скугареевкăпа Ясашлă Ташла - ачасене садика вырнаçтарма черет пысăк пулнипе те тунă. Вĕрентӳ министрĕ Екатерина Уба сăмахĕпе, çурта юсасан тата 55 ачана садика илме пулĕ.
Хальхи вăхăтра Ясашлă Ташлара 1910 çулта тунă çуртра вырнаçнă садика 23 ача, Скугареевкăри 1903 çулта тунă çуртри садика 15 ача çӳрет. Подкуровкăра вара хупнăранпа ачасен шкулчченхи учрежденийĕ пулман.
 
Скугареевка шкулне юсама укçа уйăрнă
Тереньга районĕнчи Скугареевка шкулне тĕпрен юсама 5 миллион тенкĕ уйăрмалла, 4 миллион область бюджетĕнчен, 1 миллион - районтан.

Текста малалла вулăр...

Ял хуçалăх апатне ӳстерекенсене – 200 миллион тенкĕ пулăшу

Регион правительствин ларăвĕнче «2013 çула тата 2014-2015 çулсем валли палăртнă область бюджечĕ çинчен» калакан саккуна кĕртме йышăннă çĕнĕ тӳрлетӳсене пăхса тухнă.
Регионăн финанс министрĕ Ольга Максимушкина ăнлантарнă тăрăх, саккун проектне федераллă бюджетран хушма укçа-тенкĕ килнипе пăхса тухма йышăннă. Ытларах пайĕ – 173, 5 млн тенки – ял хуçалăхне хавхалантарнă çĕре кайĕ. Çав шутрах 57, 6 млн тенки — выльăх-чĕрлĕх ĕрчетессине аталантарма, 64,5 — кивçен илнĕ укçана парса татма, 51,4 — пĕр литр сĕте пулăшу укçипе (субсидипе) тивĕçтерме.
100 млн тенке яхăн – физкультурăпа сиплев комплексĕсем валли хатĕр-хĕтĕр туяннă çĕре кайĕ. Шыв хуçалăхĕсене аталантарма 67 млн тенкĕ уйăрĕç. Профессилле вĕрентӳ тытăмĕн программисене çĕнĕрен хатĕрлеме 11,5 млн тенкĕ кайĕ.
Ульяновск Уставне улшăнусем кĕртĕç
Ульяновскра хула Уставне кĕртмелли çĕнĕлĕхсене сӳтсе явнă.

Текста малалла вулăр...

Владимир Путин саламĕ

Ульяновскра иртнĕ Раççейпе Германи хулисен хушшинчи туслăхăн XII конференцине хутшăнакансене Раççей Президенчĕ саламланă.
В.В.Путин хăйĕн саламĕнче Ульяновск Раççейри промышленноçпа ăслăлăх центрĕсен шутне кĕнине палăртса хăварнă. Раççейпе Германи хушшинчи хутшăнăва Ульяновскпа Штутгарт хулисем пĕрле, пĕр-пĕрне пулăшса хăйсен экономикине аталантари те çирĕплетме çул уçĕ тенĕ.
Хуласем туслашаççĕ
Раççей тата Германи хулисен хушшинчи çыхăнăва халалласа Ульяновск пуçлăхĕ Марина Беспалова Штутгартăн тĕрĕслевпе ревизи управленийĕн ертӳçипе Манфред Блюменшайнпа тĕлпулу йĕркеленĕ.
Енсем сывлăх управĕ, вĕрентӳ тытăмĕпе наука, хула управленийĕ тытăмĕнче пĕрле килĕштерсе тата пулăшса ĕçлемеллине палăртса хăварнă, коррупципе мĕнле кĕрешмелли çинчен те сӳтсе явнă.

Текста малалла вулăр...

Раççейпе Германи хушшинчи туслăха çирĕплетсе

Ульяновск облаçĕнче Раççейпе Германи хулисен ĕçтешлĕхĕн ХII конференцийĕ иртет. Унта хуласен хушшинчи хутшăнăвăн икĕ çулхи пĕтĕмлетĕвне пăхса тухĕç. Мероприяти çĕртмен 8-11-мĕшсенче пулать.
Раççейпе Германи хулисен партнёрлăхĕн тĕлпулăвĕсене икĕ çулта пĕрре йĕркелеççĕ. Унта икĕ çĕршывăн патшалăх органĕн ĕçченĕсем, обществăлла организацисенче вăй хуракансемпе культура эксперчĕсем, çамрăксем хутшăнаççĕ.
Конференци тĕрлĕ килĕшӳсем туса калаçусем ирттермелли ятарлă вырăн та пулса тăрĕ. «Германипе Раççей: малашлăха пĕрле» ыйтупа малашне еплерех пĕрле ĕçлемелли пирки калаçĕç.
Вĕренĕвĕн çĕнĕ саккунĕ
2013 çулхи авăнăн (сентябрĕн) пĕрремĕшĕнче «Ульяновск облаçĕнчи вĕренӳ çинчен» саккун вăя кĕрет. Ăна çĕртме уйăхĕн виççĕмĕшĕнче правительство ларăвĕнче çирĕплетнĕ.

Текста малалла вулăр...


■ Страницăсем: 1, 2, [3], 4, 5, 6, 7, 8, ... 10.