Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 

Анне каçарма пĕлет

Вылякансем:
Давыдов Саша – çирĕм виççĕри каччă, ĕçсĕр çын.
Мишша – Саша тусĕ, ача çуртĕ-нче çитĕннĕ яш каччă.
Саша амăшĕ – Давыдова Арина Ивановна, хĕрĕх пиллĕкри хĕрарăм, колхозра доярка пулса ĕçлет.
 
ПĔрремĔш курăм
Давыдовсен çурчĕ. Каçхи пилĕк сехет. Арина Ивановна киле ĕç хыççăн ывăнса килет. Ывăлĕ кравать çинче кушакпа выляса выртать.
АмăшĔ (алăкран сас парать). Эпĕ çитрĕм, ывăлăм!
Саша (мăкăртатса, кăмăлсăррăн хуравлать). Ма çавăн пек кăшкăрмалла ара, кушака хăрататăн!
АмăшĔ. Ывăнтăм! Эсĕ çăкăр илтĕн-и/ (Пукан çине ларать, сĕтел çинче хăварнă укçана курать.) Эпĕ сана кайса илме ыйтрăм-çке, анчах та эсĕ мĕншĕн çавăн пек… (Халран кайнă аллине усать.)
Саша. Ыран кайса илме те пулать пуль!

Текста малалла вулăр...

Шура

(Вĕçĕ. Пуçламăшĕ 15-мĕш номерте.)
 
-Кам юрлать/ Кам юрлать/ - пĕлесшĕн пулчĕ хальччен хĕрринче шăп-шăпăрт ларнă Оля.
Люба тĕлĕннипе куçне чарса пăрахрĕ.
-Çавна пĕлместĕн-и/ Христофоров вĕт. Эпир ача чухне пирĕн яла та концертпа килнĕччĕ.
-Лайăх шăрантарать.
-Кам пĕлет, атьăр унпа пĕрле юрлар, - сĕнчĕ Люба.
Ачаш, çепĕç сăмахĕсем
Ĕмĕр юлĕç асăмра-а-а! - илтĕнсе кайрĕ Шурăн хăлхи çумĕнче.
Юрă пĕтсенех кăвайт тавра пуçтарăннă çамрăксем савăнăçлăн шавлама тытăнчĕç. Шурăн çеç кăмăлĕ пĕтĕмпех пăсăлчĕ. Кунта килме килĕшнĕшĕн хăйне-хăй ятларĕ. Шатăртатса çунакан пысăк кăвайт çулăмĕ çине куçне илмесĕр пăхса ларчĕ. Пĕтĕм тĕтĕм хăй çине вĕçнине те асăрхамарĕ. Никампа та калаçмарĕ. Веня сĕнекен тĕрлĕ çимĕçсене ячĕшĕн çеç тутанса пăхрĕ.

Текста малалла вулăр...

Шура

-Шу-ра-а-а! - çĕрлехи шăплăхра таçта çитиех илтĕнчĕ Веньăн сасси.
Аллинчи хăрăк турата çĕре ывăтрĕ те каччă, сукмакпа хĕр хыççăн чупрĕ.
-Ан кай, кӳрентересшĕн марччĕ эпĕ сана! Каçар тархасшăн.
Йывăçсем хушшинче тĕттĕм. Туратсем питĕнчен çапса самай ыраттарчĕç пулин те вăл хăвăртлăхне чакармарĕ. Шурăна хăваласа çитсе чарасса шанчĕ. Акă чăнкă çыран хĕрри. Аялта шыв шăнкăртатса юхни илтĕнет. Веня карас телефонне кĕсйинчен кăларса хунарне çутрĕ. Кунтан питĕ асăрханса анмалла. Кăнтăрла çуса иртнĕ çумăр тăпрана йĕпетсе шăвакан тунă. Каччă кун çинчен шухăшламарĕ те. Хĕре яланлăхах çухатасран хăранипе сыхăлăх çинчен пачах манса кайрĕ вăл. Пĕр тĕлте шуса ӳксе шăлаварне вараларĕ. Çара аллине сукмак хĕррипе ашкăрса ӳсекен вĕлтĕренпе çунтарчĕ. Çĕре ӳкнĕ телефонне ярса тытса ура çине тăчĕ.

Текста малалла вулăр...

Чăвашла журналсене хупма памалла мар!

Шăматкун Шупашкарти Наци вулавăшĕнче Чăваш Республикинчи профессилле çыравçăсен черетлĕ пухăвĕ иртрĕ. Наци литературин пайне 200 яхăн çын пуçтарăннăччĕ.
Тӳресемпе куçа-куçăн
Çивĕч ыйтусем нумай пухăннăран тĕлпулăва çырав ĕçне илсе пыракан икĕ тӳрене йыхăрнă писательсем. Вăхăтлăха кăларма чарăннă «Капкăн» тата «ЛИК (литература, искусство, культура)» журналсен шăпине татса парас шухăшпа сăмах чи малтан Чăваш Республикин информаци политикипе массăллă коммуникацисен министрне Александр Иванова пачĕç.
- Хаçат-журнал кăларса тăрасси тупăшлă ĕç тесе калаймăн. «Капкăн» журнала калăпласа вулакансем патне çитерме 2016 çулта кайнă мĕнпур тăкака шута илсен эсир те тĕлĕнĕр: пĕр журнал 840 тенке кайса ларнă. Сутăнманнине, çырăнса илменнине, журналта Интернетран вырăс кулăшĕсене куçарса лартнине шута илсен малашне кирлех-ши «Капкăн» тесе ыйту лартасшăн эп сирĕн умăра, - терĕ Александр Степанович.

Текста малалла вулăр...

Выляв

Паллă ĕнтĕ, шăл тухтăрĕнче вăй хума çăмăл мар. Тĕрĕссипе, поликлиникăри ку уйрăмра ĕçлекенсен пурин те йывăрлăхсемпе тĕл пулма тивет – тăрăшакан кам тивĕçне пурнăçласан та. Ахальтен мар совет саманинче вĕсене сиенлĕ-хрен сирес тĕллевпе сĕт панă. Сăмахран, шăл техникĕсем ĕç сĕтелĕ хушшинче сехетшер пĕкĕрĕлсе ĕçлеççĕ. Темиçе çултанах мăйĕн хыçалти пайĕ тăртанса ыратма пуçлать. Çавăнпа та вĕсенчен ытларахăшĕн ĕçленĕ хушăрах медицина сестрине мăйне аллипе массаж тума, мăйне тата çурăмăн çӳлти пайне йăваласа сиплеме ыйтма тивет. Чавсипе сĕтелĕ çине таянса, пуçне пĕксе, куçне хупса тепĕр чух çывăрсах каяççĕ вĕсем. Медсестра тепĕр чухне халата çĕклесех тухтăр мăйне сĕркелеме пуçлать. Хирĕç ларакан ĕçтешсем массаж еплерех пынипе кăсăкланса ыйтусем параççĕ. Çак ĕç вара тепĕр чух ача вăййинех çаврăнать.

Текста малалла вулăр...

Упăшкипе арăмĕ

Автор Çинчен. Николай Васильев 1917 çулта Октябрь (халĕ Нурлат) районĕнчи Уксăмлă ялĕнче çуралнă. Ерепьелĕнче колхоз çамрăкĕсен шкулĕнчен вĕренсе тухнă хыççăн Ульяновскра педагогика рабфакне пĕтернĕ те Чаллăпуçĕнчи шкулта ачасене географи вĕрентнĕ. 1940 çулта ăна финн вăрçине илсе кайнă. Çавăнтанах Тăван çĕршывăн Аслă вăрçин вут-çулăмлă çулĕсемпе утма тытăннă. 1944 çулта ури йывăр суранланнипе килне таврăннă. Хăйĕн пĕлĕвне Ульяновскри педагогика институтĕнче ӳстернĕ хыççăн Тĕкĕрмел ялĕнче сакăр çул вĕренмелли шкул директорĕ пулса 20 çула яхăн вăй хунă. Унтан тивĕçлĕ канăва кайнă. Çав тапхăрта калавсем çырма тытăннă. Вĕсене районта тухса тăракан "Туслăх" тата Ульяновскри "Канаш", Хусанти "Сувар" хаçатсенче пичетленĕ.
 
Ку ĕç Çĕнĕ çул вăхăтĕнче пулса иртнĕччĕ. Хĕветут пиччепе Нина инке ирех тăчĕç те апат-çимĕç пĕçерме тытăнчĕç.

Текста малалла вулăр...

Итлемерĕм аннене

(Вĕçĕ. Пуçламăшĕ 45-мĕш номерте.)
 
Икĕ-виç кун ĕçлесен хăнăхманнипе каçчен ал-ура шутсăр ывăннине туйрăм. Анчах парăнмарăм, ĕç ушкăнĕ туслă, пуçлăхĕ уçă кăмăллă, илĕртӳллĕ сăн-питлĕ пулни мана пуçа усма памарĕ.
Анне тесен-и/ Малтанласа вăл мана нимĕн те каламарĕ. Йывăр алĕçне хăнăхманскер хăех пăрахать пулĕ терĕ пулас. Эпĕ вара кунран-кун çĕнĕ çĕре хăнăхса пытăм, юратса пăрахрăм. Часах официанта куçарчĕç, унтан хуçана пулăшакан пулса тăтăм. Пĕр сăмахпа каласан нимĕнле хура ĕçрен те хăрамарăм. Куллен çӳреме хăнăхнă тума, капăрлăхсене ахальлипе улăштартăм. Чашăк-тирĕк те çума тиветчĕ, урай та – модельсен агентствишĕн тунсăхлама вăхăт пулманпа пĕрехчĕ. Подиум тăрăх утасси манăн маррине тахçанах туйса илнĕ эп. Анне хистенипе çеç çӳренĕ. Вăл мана пуян упăшка туянтарасси пирки шухăшлама пăрахманнине пĕррехинче вăл телефонпа калаçнинчен тавçăртăм.

Текста малалла вулăр...

Итлемерĕм аннене

Илем салонĕнче алăка хирĕç ларакан илĕртӳ-ллĕ çамрăк хĕрарăма тӳрех асăрхарăм: тĕпсĕр симĕс куçĕ телейлĕн йăлтăртатать çеç мар, тути сăлтавсăрах кулать. Сарă вăрăм çӳçне тирпейлĕн хыçалалла пуçтарса хунă. Вăрăм шуранка пӳрнисемпе пичĕ çинелле ӳкекен çӳç пĕрчисене васкамасăр явăлтать. Чĕрне пĕветекен хĕрпе çепĕççĕн калаçать. Ятне çак маçтăр патне килнĕ пулас чиперкке. Ыттисем çине те кăмăллăн пăхать. Хӳхĕмскер шурă çепĕç аллине ăстана тăсса парсан унпа çак самантрах паллашмаллине тавçăртăм.
- Салам, мана Катя тесе чĕнеççĕ. Эпĕ антрополог. Халĕ диссертаци çыратăп. Теми тӳрремĕнех Çĕр чăмăрĕ çинчи телейлĕ çынсене тĕпчессипе çыхăнса тăрать. Эсир, ахăртнех, телейлĕ çын, - терĕм эп ăна аллăма тăсса.
Малтанласа вăл ман çине шанмасăртарах, сăнасарах пăхнă пек туйăнчĕ. Телее, ун пит-куçĕнче нимĕнле кăнттамлăх, кутăнлăх та асăрхамарăм.

Текста малалла вулăр...

Сăнчăр

Такам вăйлă аллипе ăна мăйĕнчен хытах пăвма пуçларĕ. Сывлайми пулнă Петя пулăшу чĕнсе кăшкăрасшăнччĕ, анчах сасси пӳлĕнчĕ. "Пĕтрĕм!" - вĕлтлетрĕ шухăш арçын пуçĕнче. Çак шухăшпа пĕрлех хăйне никам та пăвманнине ăнкарса илчĕ. Унăн мăйне çын алли мар, сăнчăр хĕссе хунă иккен. Хулăн тимĕртен тунă, çав сăнчăр вĕçне çакнă кире пуканĕ Петьăна сăрт çинчен тĕпсĕр хура шăтăка сĕтĕрет. Петя çӳлте юласшăн пĕтĕм вăйран тапаçланчĕ пулин те хал çитереймерĕ. Тепĕр самантран сăнчăр ăна сывлайми туса хучĕ. Вăл тĕпсĕр хура шăтăка пуçхĕрлĕ чăмрĕ.
-А-а-а! - кăшкăрса ячĕ хăранипе Петя.
Тĕттĕм пӳлĕмре вăранса кайрĕ. Лачкам тара ӳкнĕскер мăйĕ чăн та пăвăннине туйса илчĕ. Çывăрнă вăхăтра мăйĕнчи хĕресĕ çурăм хыçне кайса месерле выртакан Петьăна кантрипе пăвнă иккен.
Ун телейне, кăшкăрса янине арăмĕ илтмерĕ пулас.

Текста малалла вулăр...

Ман кăмăла та çĕклерĕр, хăвăра та аван пулчĕ

- Павăл, пулăш-ха! Пĕр санра шанăç. Пушмак кĕлине çапнă тимĕр сий ăнсăртран тухса ӳкрĕ. Çĕннипе улăштарса параймăн-ши/ Киле çитмелле-çке епле те пулин, - пырса тăчĕ арçын умне пуçлăхсемпе пĕр пӳлĕмре ĕçлекен сарă çӳçлĕ хĕрарăм. Кам патне пулăшу ыйтма пымаллине аван пĕлет вăл. Тăрăшуллă ĕçтешĕ Павăл çеç хуть мĕнле ĕçе те вăхăтра та тĕплĕн туса пама пултарать.
Калаçса татăлнă вăхăт тĕлне, шăп та шай икĕ сехетре, маçтăр хĕрарăма юсаса çĕнетнĕ хатĕр пушмак тыттарчĕ. Лешĕн куçĕ пушмак кĕли кăмăлне кайнине уççăнах кăтартрĕ.
- Тавтапуç Сире ман кăмăла çĕкленĕшĕн! Еплерех Сирĕн ĕç аван – мана та аван турăр, ĕç тухăçлă пулнăран Сире те мĕн тери аван, - терĕ пушмак хуçи. Чунтан хĕпĕртенине пытармарĕ вăл.
- Сире аван иккенне эпĕ питĕ аван пĕлетĕп-ха. Каçарăр та, мана мĕскершĕн аван вара/ - ĕçтешне тĕпĕ-йĕрĕпех ăнланса пĕтереймесĕр тӳрремĕн ыйтрĕ Павăл.

Текста малалла вулăр...

Тăманапа йытă

Калав
 
2006 çулхи çу уйăхĕн вĕçĕнче инçетри ĕç командировкинчен таврăнсан тăван кил-çурта, хам çуралнă Çĕнĕ Вĕрен ялне, кайрăм. Пирĕн пысăк йывăç çурт çĕр ĕмĕр хушши ял хĕрринче, Типĕ Пир (Бирюч) юханшывĕн çыранĕ çинче, ларать. Пĕчĕк тăван çĕршывăмра пулнă малтанхи самантĕнченех хама тĕнчери чи лайăх курортра каннă пек туйрăм.
Çанталăкĕ ăшă та тӳлек тăрать. Тавралăха каç семĕ çапнă. Кăнтăр енчен катрашкаллă горизонт айĕнчен тем пысăкăш çутă кăвак уйăх шуса тухрĕ. Тавралăха шăнкăрчсем чарăнми юрланă илемлĕ сасă хуплать. Çĕршер тĕслĕ ӳсен-тăран техĕмлĕ шăршă кăларать. Эпĕ чӳрече патне тăрса уйăхăн илемĕпе киленме тытăнтăм. Пыл пек пылак сывлăшпа сывлатăп. Кайăксен тĕрлĕ сасси чунри туйăмсене çĕклет. Ик куçран шăпăртатса куççуль юхать... Çак самантра эпĕ 46 çул тăршшĕ пĕтĕм пурнăçăма аса илтĕм.

Текста малалла вулăр...

Ишпут

Йӳшкел ялĕ анлă улăх çумĕнче айлăмра вырнăçнă. Çуркунне ейӳ вăхăтĕнче çак улăха пĕтĕмпех шыв илет, аялти урам патнех çывхарать. Çавна пула ку урамра çичĕ çуртран пиллĕкĕшĕ пушаннă ĕнтĕ, çынсем урăх вырăна куçса ларнă.
Кăçал юр хăвăрт ирĕлнипе вара шыв ытла час хăпарчĕ, пӳртсем çывăхнех пычĕ. Кăнтăр апачĕ тĕлнелле аялти касса кĕме те тытăнчĕ вăл.
Ку касăри пĕр килте вăтам çулсенчи мăшăр пурăнать, тепринче – сакăрвунна çитсе пыракан пĕччен Арине кинемей. Шыв урама кĕме пуçласан урам урлă пурăнакан арçынпа хĕрарăм пӳрчĕ умне автомашина килсе чарăнчĕ, вĕсем ун çине васка-васка япалисене тиерĕç. Пӳрт умĕнче кăкарса хунă пысăк йытти вара ун-кун чупкалать, сăнчăрĕнчен вĕçерĕнесшĕн турткаланать, йынăшать, вĕре-вĕре илет. Анчах хуçи ăна курмасть те, илтмест те тейĕн. Ун çине никам та тимлесе пăхмасть.

Текста малалла вулăр...

Вăрçă ачисем

- Куля! Куля! Куля тетĕп! Ăçти шуйттан шăтăкне кайса çухалчĕ çав мур ачи/ - тарăхать мăнукне çухатнă Анук. Çав вăхăтрах вăл сăпкара выртакан мăнукне, сасă пама пуçланăскере, çăварне ĕмкĕч хыптарма ĕлкĕрет. Лăплантăр тесе темиçе хутчен сиктерсе илет. Ĕмкĕчне чăмласа çемçетнĕ хура çăкăртан хатĕрленĕ, таса ланчашкапа (çӳхелсе юлнă кивĕ кĕпе татăкĕ) чĕркенĕ. Кăкăр ачине тата мĕнпе лăплантармалла-ха/ Анчах мăнукĕ темшĕн лăпланасшăн мар, пĕрмай нăйкăшать, ĕмкĕчне те çăварĕнчен чĕлхипе тĕртсе кăларать. «Чирлесе ӳкмерĕ-ши/» - пăшăлтатать аптăраса ӳкнĕ асламăшĕ.
Çăка хуппинчен ăсталанă сăпка кăкăр ачишĕн çывăрма меллĕ. Çемçе те ăшă унта. Çав сăпкара Анук хăй те пĕчĕк чухне çывăрнă. Халĕ кĕçĕн мăнукĕсем те çав сăпкара çитĕнеççĕ.
Сиктерме меллĕ пултăр тесе сăпкине хурăн каштинчен тунă сиктермерен çакса янă, тĕпĕнчен сӳсрен явнă кантра çыхса хунă.

Текста малалла вулăр...

Миллионерсем

Пурнăç урапи пĕр вырăнта тăмасть, ялан хăй çулĕпе шăвать. Мĕнле кăна вăхăтра пурăнса курмарăмăр-ши эпир/ Шкула кайсанах октябренок ятне илтĕмĕр, ик-виç çултан пионера кĕтĕмĕр, вунтăваттă тултарсан комсомола кĕме тивĕçлĕ пултăмăр. Кăмăл пулсан парти ретне те тăма пулатчĕ. Заводра ĕçлесе миллионер пуласса никам та ĕмĕтленмен. Анчах вăл вăхăта та кĕтсе илтĕмĕр иккен.
Иртнĕ ĕмĕрти тăхăрвуннăмĕш çулсем пыраççĕ. Укçа хăвăрт йӳнелсе пынипе ĕç укçине пире пачкăсемпех пама тытăнчĕç. Лавккаран пакетпа çăкăр йăтса килнĕ пек укçапа ĕçрен таврăнаттăмăрччĕ. Çакăн хыççăн сисмесĕрех ĕç укçи миллион ытла пулса кайрĕ.
Паян ĕçре пысăк савăнăç - ĕç укçи параççĕ. Пĕрремĕш смена укçаллă пулнă ĕнтĕ. Иккĕмĕш сменăна иртерех килсе Ваньăпа Толя пĕрер пачка хут укçа йăтса ĕç вырăнне килчĕç. Юлташĕсем вĕсем мĕн чухлĕ укçа илнине пĕлсен пĕр çивĕч чĕлхелли вĕсене «миллионерсем» ят пачĕ.

Текста малалла вулăр...

Чĕлĕм туртма пăрахтартăм

Туртакансем пирус сиен кӳнине аван пĕлеççĕ, анчах пĕлсен те начар йăлана тӳрех хăйсен ирĕкĕпе пăрахаймаççĕ. Хăшĕ тунтикунран пăрахатăп тесе хăйне хăй лăплантарать, тепри çак пачкине туртса пĕтеретĕп те урăх пĕрре те çăвара хыпмастăп тесе хăйне сăмах парать. Икĕ пачки пĕтсен тата çур пачка тупăнать, çавăнтах панă сăмахĕ çинчен манса каять. Пирус пачки çине пысăк хура саспаллисемпе: «Туртни çынна вĕлерет», - тесе çырни те туртакана пĕртте хăратмасть.
Чĕлĕмĕн усси çук тетĕр-и/ Эпĕ сире пирус пачкин пĕр усăллă енĕ çинчен каласа пама пултаратăп. Яш вăхăтĕ-нче ман юлташ хăй турмасть пулсан та хуларан яла таврăннă чухне эрнере пĕрре çула май лавккана кĕрсе пĕр пачка пирус туянатчĕ. Хăй килнине курччăр тетчĕ пулас. Мĕншĕн тесен лавккаçă унăн савнă хĕрĕн кӳршиччĕ. Вăл хальхи кĕсье телефонĕ вырăнне пулнă.

Текста малалла вулăр...

Вăт – романтика!

Ку ĕç çулла пулса иртрĕ. Кăнтăр вăхăтĕнче икĕ хутчен ман телефон çине çыруллă пĕлтерӳ – СМС – килчĕ. Çынсене Çĕнĕ Ульяновск хулине илсе каймалла иккен. Калаçса татăлнă вăхăта «Автозавод» чарăну тĕлне пырса тăтăм. Чӳречерен пуçа кăлартăм кăна – ман пата икĕ арçын кĕрсе те ларчĕ. 1 пин тенкĕ пачĕç те: «Атте, кайрăмăр», - терĕç. Иккĕшĕ те 40 çулсенчи шакла пуçлă арçынсем. Тӳрех ăнлантăм – кусем тĕрмерен ларса тухнăскерсем пулас.
Лавкка умне чарăнма ыйтрĕç. Чăнах та – хăйсем калаçса татăлнă пек 20 минутран тухрĕç. Иккĕшĕн аллинче те икшер пакет. Ĕçмелли, çимелли мăй таранах тултарнă.
Хулапа пыратпăр. Чунра тем лăпкă маррине пула Çĕнĕ Ульяновск еннелле каякан çул ытти чухнехинчен вăрăмрах пек туйăнчĕ. Сасартăк юнашар ларса пыраканни:
- Атте, сан ачусем пур-и/ - тет.
- Пур, - тетĕп.

Текста малалла вулăр...

«Шанхай» шампунь

Чĕлĕм Ваççипе Пушăт Алюшĕ – кумсем. Паян Алюш Ваççа килĕнче хутса пултарнă мунчине хул-çурăмне кантарма пынă хăна. Канлĕ çăвăннă-çапăннă хыççăн иккĕшĕ сĕтел хушшине ларса эрех-сăра та сыпкаларĕç. Хăнана ăсатнă май Ваççа Алюша хисепленине кăтартса хăйĕн çӳç çумалли «Шанхай» шампуньне парнелесе ячĕ. Тепĕр эрнере Алюш мунчара юрла-юрла çав шампуне çӳçĕ çине тăкрĕ. Анчах сăмсине ырă мар шăршă пырса çапрĕ, çӳçĕ те темшĕн кăпăкланмарĕ. «Апла ăна ытларах тăкмалла», - шутларĕ Алюш. Ют патшалăх парнине тата темиçе ывăç ярса илсе пуçне сĕрчĕ. Ку та пулăшмарĕ. Ырă мар шăршă пушшех сарăлчĕ, çӳçĕ вара кăпăкланмарĕ. Ырă мара сиссе Алюш пуçне часрах ăшă шывпа чӳхесе ячĕ.Тарăхнипе мунча хуçи çăвăнса та пĕтермерĕ, килне тухса утрĕ. Арăмĕ мăшăрне курсан тĕлĕнсех кайрĕ – Алюш паллайми улшăннă, çӳçĕ çуталса тăрать. Якаран та яка хăй, илемлĕ!

Текста малалла вулăр...

Капкăн

Ялти çынсем пĕр-пĕринпе килĕштерсе пурăнаççĕ. Ĕçри, килти хыпарĕсене пĕр-пĕрне каламасăр, пĕрле сӳтсе явмасăр чăтаймаççĕ.
Илюкпа Ванюк та питĕ туслă. Илюкăн япала турттармалли машина пур – ГАЗ-66, вăл таçта та кĕрсе тухма пултарать. Кун пек машина ял çыннишĕн чăн-чăн пурлăх.
Ĕçрен таврăннă чухне Илюк ялан заправкăра машина бакне бензин тултарать.
Пĕр кĕрхи ир Илюк бакра бензин чакнине сисрĕ. Кун çинчен вăл Ванюка каласа пачĕ. Иккĕшĕ канашланă хыççăн бензин бакне уçмалла мар трослă çăраççи шутласа тупрĕç. Илюк бакне çав çăраççипе питĕрме пуçларĕ. Анчах ку та пулăшаймарĕ ăна, бак хуппине уçмасан та унти бензин чакма пăрахмарĕ, бензина шлангпа юхтарнă паллă та курăнмарĕ. Илюкпа Ванюк вăрă шăтăкне тĕплĕн шырама пуçларĕç. Тупрĕçех. Бензин бакĕ айĕнче отстойник текенни пур.

Текста малалла вулăр...

Трагеди

Нинуксем патне эпĕ вăрах вăхăт кайманччĕ. Почтăран килнĕ май журналсем, «Канаш» хаçат çырăнмасăр ан юлăр тесе калама кĕтĕм. Нинукăн паян ăшĕнче çумăр çăвать иккен.
- Урамра хĕвел пăхать пулсан та - трагеди манăн, - терĕ Нинук.
Тыркас мар вĕт-ха эпĕ - кĕнĕ-кĕмен, каланă-каламан çынсем патĕнчен сирпĕнсе тухма.
Нинук чейпе сахăр лартрĕ. Кăмăлĕ начар чух вăл кукли тавраш, варени кăлармасть. Кукамайсемпе асаннесем пек сахăра кат! катса Нинукпа чей ĕçме пуçларăмăр.
Ку хутĕнче тата Петюк Нинука мĕнле хур тунă-ши тесе шутлатăп ăшăмра. Ун пек чухне эпĕ Нинука çав тери кирлĕ. Хуйхи, кулянăвĕ шăши хӳрин вĕçĕ тăршшĕ пулсан та.
Нинук аякран, 38 çул каялла пулнă япаларан, пуçларĕ. Кĕтерне патша вăхăтĕнчен кăшт каярах пулать ĕнтĕ.
- Çапла Çеруша çуратрăм та выртатăп роддомра.

Текста малалла вулăр...

Çын япалине ан хапсăн

Мĕнле кăна çынпа ĕçлеме тӳр килмен-ши вăхăтĕнче/ Пĕринчен хуть хăçан та пулăшу кĕтме пулать, тепринчен – ăшă сăмах, виççĕмĕшĕ вара – улталама хатĕр. Кусем çинчен çырасшăн мар-ха эпĕ, кукăр алăллисем пирки каласа парасшăн.
-Павăл юлташ, юлашки вăхăтра манăн тумбочкăран пĕремĕк-канихвет çухала пуçларĕ. Нумайшар илмест хăй. Анчах мĕншĕн ыйтмасăр тĕкĕнет çын япалине/ Эпĕ хыткукар мар, ыйтсан хамах панă пулăттăм. Аптăранă енне шăшисем ермен-ши тесе те шутлатăп. Санăн нимĕн те çухалман-и/- пăшăрханса калаçрĕ Микулай.
- Микулай, ку шăшисен мар, икĕ ураллă йĕкехӳрен ĕçĕ пек курăнать. Юрĕ, эпĕ вăрра тăрă шыв çине кăларма пĕр меслет пĕлетĕп. Эпĕ каланă пек тусан мĕнле «чĕрчун» килсе ерни паллă пулĕ,- шантарчĕ юлташне Павăл.
Тепĕр кунне кăнтăр апачĕ вăхăтĕнче ĕçтешсем сĕтел хушшине ларчĕç.

Текста малалла вулăр...


■ Страницăсем: [1], 2, 3, 4.