Эпĕ туса пĕтереймен ĕçсене эсир туса пĕтерĕр (И.Я. Яковлев)
Чĕмпĕр Ен чăвашĕсен хаçачĕ
1989 çулхи раштавăн 30-мĕшĕнче тухма тытăннă
 

Путенесем ăмăртрĕç

Аслă Нагаткинри Культура керменĕнче районти ачасен «Путене» фестиваль-конкурсĕ иртрĕ. Облаçри фестивале хутшăнассишĕн 45 пĕчĕк артист ăмăртрĕ.
Фестиваль условийĕ тăрăх, артистсене виçĕ номинаципе хакларĕç: вырăнти паллă поэтсен сăввисене илемлĕ вуласси, хальхи вăхăтри тата халăх юррисене юрласси, ташласси.
Сăвă калассипе ?ытларах чăвашсен паллă поэтессин Валентина Тараватăн сăввисем янăрарĕç% Полина Шигирданова, Елизавета Аюгова тата Даниил Егоров пĕрремĕш вырăна çĕнсе илчĕç. Иккĕмĕшне – Ульяна Ширтановапа Софья Долгова, виççĕмĕшне – Анастасия Натюновапа Дарья Сандркина пайларĕç.
Пĕччен юрлассипе малти вырăна Кристина Никитинана пачĕç.

Текста малалла вулăр...
■ Нина Еграшкина.
Чăнлă районĕ.

Ача пахчинчен – тăван чĕлхе тĕнчине

Альбина Анисимовна Казакова Ульяновск хулинчи 72-мĕш ача пахчинче воспитательте вăй хурать. Вăл мĕн ĕçлеме пуçланăранпах шăпăрлансене чăваш культурипе паллаштарассишĕн тăрăшать.
«Путене-2013» фестиваль-конкурса виçĕ шăпăрлана – Анастасийăпа Арина Васильевасене тата Николай Урмакова илсе килнĕ. Çамрăк артистсем «Аякри» юрра куракансем патне пĕчĕк спектакль шайĕнче шăрантарчĕç. Çак курăнăва Альбина Анисимовна хăй те хутшăнчĕ. «Ачасем чăвашла тасах калаçаймаççĕ-ха, анчах веçех ăнланаççĕ. Ашшĕ-амăшĕ те пепкисем тăван чĕлхене ăшĕсене хывнăшăн хĕпĕртет. Мана тав тăваççĕ. Пĕчĕкренех чăваш чĕлхин сĕткенĕпе киленсе ӳснĕскерсем тăван халăхне те манмĕç тесе ĕçлетĕп», - тет ентешĕмĕр.

Янăраççĕ кĕвĕсем – ачалăх хĕлхемĕсем

Ай, юрлар-и юррине çамрăк чун юрланă чух! Ай, ташлар-и ташшине куракан ал çупнă чух!
 
«Губернаторский» культура керменĕнче область шайĕнчи ача-пăча пултарулăхĕн черетлĕ фестиваль-конкурсĕ – «Путене-2013» – иртрĕ. Регионти шкулсенчен, ача пахчисенчен килсе çитнĕ юрă-ташă ушкăнĕсем, уйрăм юрăçсемпе ташăçăсем ачалăх уявĕнче пултарулăх ăмăртăвне хутшăнчĕç.
 
Облаçри Чăваш культура центрĕн пуçлăхĕ Ираида Гаврилова çирĕплетнĕ тăрăх, кăçалхи ачалăх уявĕ иртнĕ çулхисемпе танлаштарсан пултарулăх ушкăнĕсемпе уйрăм артистсем ытларах Ульяновскпа Димитровградран мар, районсенчен пулнипе уйрăлса тăрать. Ытти çулсенче конкурса хутшăнакансене наци тумĕпе культура центрĕ тивĕçтерме тăрăшнă пулсан хальхинче шăпăрлансене ашшĕ-амăшĕ чăвашла тумлантарнă.

Текста малалла вулăр...

Хуралçă кушак

Чăрсăр — Акçине кинемипе Аванир мучи килĕнчи хура кушак. Вăл тĕлĕнмелле чĕр чун, килте чăн-чăн хуçа. Ытти кушаксенчен чылай пысăк вăл, 15 крепенкке ытла. Пĕчĕк пума теме пулать ăна.
Çура чухнех вăл ыттисенчен урăхларахчĕ, хăйнеевĕрлĕччĕ. Хуçисем урай тăрăх утса пынă чух ура çине вăрттăн сиксе ларатчĕ, чĕрнисемпе ярса илетчĕ те йĕп пек çивĕч шăлĕсемпе çыртатчĕ. Е чупса пырса ура кĕлинчен систермесĕр çыртса илетчĕ. Ятне те ăна çавăнпа Чăрсăр тесе панă.
Ӳссе çитсен те пăрахмарĕ кушак хăй йăлине. Хуçисене хăнăхрĕ ĕнтĕ вăл, урăх ун пек аппаланмарĕ. Анчах килен-каяна килĕштермест вара – кравать айне кĕрсе каять те кĕтсе ларать. Меллĕ самант тупсан хăна урине хыçалтан вăрттăн пырса çыртатех – унсăрăн пӳртрен кăлармасть. Çапла, чĕрмест вăл – çыртать! Йытă та кирлĕ мар килте. Час-час килекенсене тивмест, анчах палламаннисене юратмасть.

Текста малалла вулăр...

Ачасене савăнтарнă

Çу уйăхĕн 30-мĕшĕнче облаçри Саккунсем кăларакан Пухăвăн депутачĕ А.Г. Еленкин тата УОЧНКА Чукун çул районĕнчи «Килĕшӳ» уйрăмĕн пуçарăвĕпе Винновка ращинче Ачасене хӳтĕлемелли куна халалланă уяв иртнĕ.
Мероприятие йĕркелекенĕ – 46-мĕш шкулта пуçламăш классене вĕрентекен И.В. Мещанова, ăна пулăшаканĕ – Л.Н. Ярускина. Вăл ачасене тăван тавралăх, çут çанталăк пуянлăхĕ пирки каласа панă. Иртнĕ ĕмĕрте ачасем мĕн пирки ĕмĕтленни ачасене кăсăклантарнă. Вĕрентӳçĕ Ачасене хӳтĕлемелли куна хăçан паллă тума тытăннине аса илтернĕ.
Унтан ачасем уçланкăра вăйăсем вылянă. Мария Митулова чăваш юрри шăрантарнă. Сергей Унисков чăвашла сăвă каланă.
Ӳкерме юратакансем хут çинче хăйсен ăсталăхне кăтартнă.
Ачасем кĕтни, чи кăмăлне кайни – аттракцион çинче ярăнни, торт çини тата мороженăйпа киленни.

Текста малалла вулăр...

Эрешмен карти

Хĕвеллĕ те ăшă кун пахчана тухрăм. Мунча патне çывхарсан тем нăйăлтатни илтĕнсе кайрĕ. Шăна сасси кăна мар ку, чылай хулăнрах. Пăхатăп та – мунча пĕçмехĕнче вĕлле хурчĕ эрешмен картине урисемпе тата пĕр çунаттипе çыпăçса ларнă иккен, хăтăласшăн тапаланать, нуша курать. Сакăр ураллă хура эрешменĕ ун патĕнчех. Вĕлле хурчĕ тапаланма чарăнсанах вăл çывхарать, пĕр-икĕ урипе вĕлле хуртне «кăтăкласа» илсе хускатать те каялла хăвăрт чакать, леш вара каллех тапаланма-нăйлатма пуçлать. Çапла эрешмен хăйĕн сурчăкĕнчен тунă çипписемпе çыхлантарса ун вăйне пĕтересшĕн хăтланать. Лешĕ ывăнса чăмран кайсан, вăйĕ пĕтсен ун ăшне сăннине чикет те наркăмăшне ярать. Кайран вĕлле хурчĕн ирĕлнĕ-шĕвелнĕ ăш-чиккине пăрăх евĕр сăннипе туртса илет. Çапла апатланса пурăнать эрешмен.
Анчах кунта тытăçу вĕçленмен-ха.

Текста малалла вулăр...

Ш ă т ă к

(К а л а в)
 
Пуш уйăхĕнче самаях ăшăтса ячĕ. Икĕ кун çумăр çурĕ, тепĕр кун янкăр тӳпене çутă хĕвел хăпарчĕ. Пӳрт умĕнчи юр лаштăртатса путма пуçларĕ. Сукмаксем те тусрĕç.
Пиллĕкмĕш класа каякан Кавĕрле шкултан килсе апатланчĕ те урама тухрĕ, уткаласа çӳрерĕ. Ура айĕнчи юр путать, аялтан шыв тухать.
Вăл икĕ çул каялла пулса иртнине аса илчĕ. Ун чухне ăна аслăраххисем юр çинче чавса хунă шăтăка чăмтарнăччĕ. Ун атти кунчинчен шыв кĕнĕччĕ, вăл йĕре-йĕре килне чупнăччĕ. Шăтăкне чавса хуракансем ахăлтатса кулнăччĕ.
Кавĕрле пуçне кавар шухăш пырса кĕчĕ: «Эп халь хам та пысăк ĕнтĕ.Час эп те кама пулин путаратăп!» Вара вăл кĕреçе илсе тухса хăйсен умĕнчен иртсе каякан сукмак çинче тарăн шăтăк чаврĕ. Ăна кĕрпеленнĕ юрпа тултарчĕ, çиелтен саралнă-хуралнă юрпа виткелерĕ.

Текста малалла вулăр...

Пĕрремĕш сăвă

Çĕпрел районĕнчи Çĕнĕ Йĕлмелĕнчи (Тутарстан
Республики) вăтам шкул ачисен пултарулăхĕ
 
***
Шурă юр çăвать,
Таврана шуратать.
Çĕнĕ йĕлтĕр шăвать,
Хыççăн йĕр хăварать.
 
Тав тăватăп аттене,
Тав тăватăп аннене
Питĕ пысăк парнешĕн –
Хитре çĕнĕ йĕлтĕршĕн.
 
Артём Макаров,
2-мĕш класс.
 
***
Илсе килчĕ Хĕл мучи
Пит асамлă юр пĕрчи.
Вĕрсе пăхрăм эп ăна —
Питĕ сивĕ, апăрша.
 
Илтĕм эпĕ аллăма,
Пикентĕм эп ăшăтма.
Таçта кайрĕ юр пĕрчи!
Пит чее-çке Хĕл мучи.
 
Максим Мискин,
2-мĕш класс.

Текста малалла вулăр...

Çĕнĕ Çулпа саламлатăп!

Çĕнĕ çулпа саламлатăп,
Пулăр сывлăхлă, чипер…
Телейлĕ пурнăç сунатăп,
Çĕн çула пĕрле кĕрер.
 
Пĕрремĕш хут эп çыратăп
Сăвă «Канаш» хаçата.
Пулса çитрĕ-ши? Хăратăп.
Ан палăртăр ман ята.
 
Саламлатăп, саламлатăп,
Юлташсем, эпĕ сире.
Аваннине çеç сунатăп,
Хĕл Мучи савать пире.
 
 
 
Чăнлă районĕ,
6-мĕш класс.

«КĔРКУННЕ» ТЕМĂПА ИКĔ ЫЙТУ

ÇУЛÇĂ ТĂКĂННИН СĂЛТАВĔ
Кĕркунне çитрĕ те йывăç-сем сарă, хĕрлĕ, хăмăр тĕссемпе витĕнеççĕ. Вăр-ман та часах саралĕ. Йывăç мĕншĕн çулçă тăкать-ши? Хĕлле те сип-симĕс лараймасть-ши?
Даша Кириллова.
Ульяновск хули.
 
Ӳсен-тăраншăн чи хăрушши – шывсăрланасси. Çавăнпа йывăç, тымарсăр пуçне, хупăпа витĕннĕ. Вăл вулăри, туратри нӳрĕке тытса тăрать. Çулçăсем те ăвăспа хупланнă. Хĕлле те симĕс çулçăпа тăраканнисен вăл питĕ хулăн.
Пирĕн тăрăхра ӳсекен йывăç çулçисем шыва тытса тăраймаççĕ. Хĕлле вара çĕр шăнать, сывлăшри нӳрĕк чакать. Çулçă шывсăрланать, çавăнпа йывăç типме пултарать. Вăл çанталăк сивĕтиччен çулçă тăкать те хĕле çывăрса ирттерет. Çакна пула расхутланакан вăйĕ те чакать. Тăкăннă çулçă çĕре хуплать, тымара шартлама сивĕрен хӳтĕлет.

Текста малалла вулăр...

Юрă урокĕ

«Шăпăрланра» пичетленекен юрăсем питĕ килĕшеççĕ. Музыка урокĕсенче юрлатпăр, клубра ял çыннисем умĕнче шăрантаратпăр. Малашне те юрăсем, вĕсен нотисене хаçатра кăларсамăрччĕ.
Настя Петрова,
Кивĕ Кăлаткă районĕ.
 
1936 çулхи кăрлач уйăхĕн 1-мĕшĕнче Чăваш Республикин Комсомольски районĕнчи Аслă Çĕпӳел ялĕнче çуралнă Евгений Антонович Фёдоров композитор 2011 çулхи çурла уйăхĕн 10-мĕшĕнче ĕмĕрлĕхех çут тĕнчерен уйрăлса кайнă. Эстрада юррисене кĕвĕленипе тата халăх хайлавĕсене нотăсем çине куçарса илемлетнипе пĕрлех вăл ятарласа ачасем валли те çырнă. Вĕсен шутĕнче – Надежда Силпи сăввипе кĕвĕленĕ «Натали» юрă та. Ăна композитор хăйĕн мăнукне – Полинăна – халалланă.
 
Илсе килчĕ Варвари
Пасартан сар сантали.

Текста малалла вулăр...

Чăнлă районĕнчи Пухтел шкулĕнче вĕренекенсен пултарулăхĕ

Хурт-хăмăр ăсти пуласчĕ
 
Эпир пурте тенĕ пекех пыл çиме юрататпăр. Чăнах та, пылран тутли мĕн пулма пултарать?
Çĕр çинчи пур халăх та пыл сиплĕ пулнине ĕлĕкренех пĕлнĕ. Вăл çынсемшĕн питĕ усăллă: сывлăха упрама, çирĕплетме пулăшать, вăй кĕртет, çынна ăс-хакăл, хавхалану кӳрет.
Эпĕ Пухтелĕнче пурăнатăп. Манăн асатте – Геннадий Григорьевич Сафуков – хурт-хăмăр ăсти. Вĕсен пӳрт çумĕнчи пахчара питĕ нумай вĕлле ларать. Эпĕ мĕн астăвасса асатте вĕлле хурчĕсем ĕрчетет. Çак ĕçе мана та хăнăхтарать: вĕлле хурчĕсене сăнама, юратма вĕрентет.
Çуркунне ăшăтма пуçласан эпир асаттепе вĕллесене путвалтан пахчана кăларса тĕрĕслетпĕр. Хĕл каçайман вилнĕ хуртсене пуçтаратпăр. Хĕвеллĕ çанталăкра хуртсем вĕçме тытăнаççĕ. Каярах уйрăлса тухма пăхаççĕ.

Текста малалла вулăр...

ТУТАРСТАНĂН ПĂВА РАЙОНĔНЧИ ПӲРКЕЛ ШКУЛĔНЧЕ ВĔРЕНЕКЕНСЕН ПУЛТАРУЛĂХĔ

(Ертӳçи – Марина Михайловна ВЕРИЯЛОВА)
 
Юнтармăш Ваççа
Илсе килнĕччĕ пĕрре
Пирĕн анне мандарин.
Пĕрер панăччĕ пире:
- Сире кирлĕ витамин.
Темĕн пулчĕ Ваççана,
Тăсрĕ пĕчĕк тутине:
- Мана кирлĕ нумайрах,
Эпĕ сиртен ачашрах.
Çакна илтсенех анне
Илсе хучĕ çимĕçе:
- Лартăрах вăл, лартăрах,
Хăйне май юнтартăрах.
Кам нумая хапсăнать,
Ним çимесĕрех юлать.
 
Анне
Кама малтан куратпăр
Çут тĕнчене килсессĕн?
Кампа çула тухатпăр
Кайма вăхăт çитсессĕн?
Анне теççĕ çав çынна,
Мĕнле аван çак сăмах!

Текста малалла вулăр...

Алина – юрă ăсти

 
Ульяновскри 20-мĕш «Искринка» ача садне çӳрекен Алина Марьина ташлас-юрлас енĕпе питĕ пултаруллă.
 
«Искринка» çулсерен йĕркелекен «Халăхсен туслăхĕ» фестивале Алина виççĕмĕш çул хутшăнать. Унта вăл ыттисенчен чăваш юрри-сăввине тăван чĕлхепе тап-таса каласа юрланипе самай уйрăлса тăрать.
-Алина питĕ ăслă та маттур хĕр. Вăл мĕн каланине пĕрре илтсех ăнланать. Садикри занятисенче те хастаррисенчен пĕри. Фестивальте чăваш культурине кăтартнă чухне Алина манăн пĕрремĕш пулăшакан. Вăл юрăсем те пĕлет, ташă хусканăвĕсене те час вĕренет, ыттисене те кăтартать. Сасси те уçă унăн, - каласа парать Ирина Антонова воспитатель.
Алинăн ашшĕпе амăшĕ – Алексей Александровичпа Ольга Юрьевна – Чăнлă районĕнчи Анат Тимĕрçен ялĕнче çуралса ӳснĕ.

Текста малалла вулăр...

Юрла-юрла шăрçа пухать

Çĕнĕ хулари 64-мĕш шкулти Чăваш культура центрне çĕнĕрен те çĕнĕ ачасем туртăнаççĕ. Кунта иртекен мероприятисенче Настя Муленкова хăй юратнă юррипе туха пуçларĕ. Вăл çак шкултах 4-мĕш класра вĕренет.
 
Чăваш чĕлхине, юррисене пĕчĕкренех илтсе ӳсет. Амăшĕ – Ирина Васильевна, ашшĕ – Виктор Васильевич – чăвашсем. Хĕрĕ чăваш юррисене кăмăлланине вĕсем ырлаççĕ.
Культура центрĕнче Настьăна фольклор кружокĕн ертӳçи Екатерина Лашманова пур енĕпе те хавхалантарса пырать. Юрă хыççăн юрă вĕрентет. Настя облаçри ачасен «Путене» конкурс-фестивальне хутшăнчĕ.
Унсăр пуçне кружока çӳрекенсем кĕвĕ çеммипе кашăк шаккама, бубен калама, халăх инструменчĕсемпе выляма хăнăхаççĕ. Ку Настьăн пултарулăх енĕ.
Ал ĕç тăвас енĕпе те маттур Настя. Вăл вак шăрçасемпе (бисер) тĕрлеме вĕренет.

Текста малалла вулăр...

Майна районĕнчи Чӳрекел ялĕнчи шкулта вĕренекенсем пĕлтереççĕ

ЭПĔ – СОЧИРЕ
Тăватă класс пĕтерсен Мускавра пурăнакан Валя аппа мана хăй çемйипе пĕрле канма илсе кайрĕ. Каçалапа пуйăс çине лартăмăр та Сочи еннелле вĕçтертĕмĕр. Çул çинче тĕрлĕ хуласем, ялсем, çырмасем тĕл пулчĕç, уйрăмах вĕсем çĕрле илемлĕн курăнаççĕ. Виççĕмĕш кун тин Сочи хулине çитрĕмĕр. Тăван çĕршыв çава тери пысăк пулнине эпĕ тинех ăнланса илтĕм.
Сочире çанталăкĕ те урăхларах. Сывлăш уçă. Малтанах сывлама та йывăртарах. Тинĕс шывĕ тăварлă. Çыранĕ таса. Пур çĕрте те çынсем.Тĕрлĕ чĕлхепе калаçаççĕ. Вăрçăшаканĕ те, харкашаканĕ те çук.
Эпир ишме вĕрентĕмĕр. Кимĕпе ярăнтăмăр. Хумсем капланса килеççĕ те çыран хĕррине çуса каяççĕ. Вĕсем алхаснă вăхăтра çыран хĕрринче юлма юраманнине радиопа çынсене сыхлакансемпе çăлакансем пĕлтерсех тăраççĕ.
Ольга КИВЕРОВА,
5-мĕш класс.

Текста малалла вулăр...

ТĂВАН ЧĔЛХЕНЕ ПАРНЕЛЕНĔ АННЕ

Тутарстан Республикин Пăва районĕнчи Пӳркел вăтам шкулĕнчи чăваш литератури кружокĕн членĕсен сăввисем. Ертӳçи – Михаил Вериялов.
 
КИЛТЕ
Килсе кĕтĕм шкултан:
Шăллăм шăппăн вылять;
Кукамай çăм арлать;
Кукаç чĕлĕм туртать;
Анне пĕçерет апат…
Тутли таçтан курăнать.
Лартăм сĕтел хушшине
Аннен яшкине çиме.
Эльмира РАТАЕВА,
6-мĕш класс.
 
ТĂВАН ЧĔЛХЕ ПАРНЕЛЕНĔ АННЕ
Чăваш, нихăçан эс ан ман:
Тăван чĕлхерен ан вăтан!
Вăл питĕ пысăк парне,
Юрат эс тăван чĕлхене.
Хуларан-и эс е ялтан-и,
Ан ман чĕлхене нихăçан.
Тăван чĕлхене парнеленĕ анне,
Ан ман эс аннен чĕлхине.

Текста малалла вулăр...

Сцена валли çуралнă

Çĕнĕ хулара пурăнакан Эльвира Алексеевна тата Виталий Алексеевич Прокопьевсен çемйинче пултаруллă хĕр ӳсет.
Настя 3-4 çулта чухнех 64-мĕш шкулти Культура центрĕнчи Çĕнĕ çул уявĕнче капăр чăрăш тавра юр пĕрчи пек вĕлтĕр-вĕлтĕр чупкалатчĕ. Çийĕнче – илемлĕ шурă кĕпеччĕ. Сăвă калама та вăтанмастчĕ Настя. «Ку хĕр пĕрчи ӳссен артистка пулать», -тесе шутлаттăм. Халĕ Настя 63-мĕш шкулта 3-мĕш класра вĕренет. Пĕрремĕш класранах ăна амăшĕ Культура центрне илсе килнĕ. Вăл Екатерина Лашманова ертсе пыракан «Родничок» юрă ушкăнĕнче юрлама тытăннă. Тăрăшсах чăваш юррисене вĕренет. Ушкăна çакăн пек пултаруллă хĕрача килнишĕн ертӳçĕ савăнать. Уншăн ашшĕ-амăшне чĕререн тав тăвать.
Кăçал Настя облаçри ачасен «Путене» фестивальне хутшăнса «Пукане» юрăпа виççĕмĕш вырăн çĕнсе илчĕ. Сцена çинче вăл хăйне ун валли çуралнă пекех ирĕклĕ тыткалать.

Текста малалла вулăр...

ЧĂНЛĂ РАЙОНĔНЧИ ÇĔНĔ УЛХАШ ШКУЛĔНЧЕ ВĔРЕНЕКЕН ШĂПĂРЛАНСЕМ – «СĂПАЙЛĂХ» ТИНĔСĔНЧЕ

«Тăван сăмах» литература кружокне шкулта 1993 çултанпа чăваш чĕлхипе литературине вĕрентекен Светлана Фёдоровна Кудряшова ертсе пырать. Хăйсем патне «Шăпăрлан» хăнана пынă кун ачасем «Çынна сăпайлăх илем кӳрет. Пур чухне те-ши?» темăпа юлташла тавлашма тата хăйсен кăмăл-туйăмне уçса пама пуçтарăннăччĕ. Кружок ĕçне Светлана Фёдоровна пуçласа ярса ачасене «Сăпайлăх» тинĕсенче «ишме» пулăшса пычĕ. Ку тема, паллах, 5-6-мĕш класра пĕлӳ илекен шăпăрлансемшĕн çăмăлах та мар, анчах вĕсем тăрăшрĕç, шухăшĕсене пĕр вăтанмасăр пĕр-пĕрин патне илсе çитерчĕç.
 
Алина ПЕТРОВА: "Хăш-пĕр ачасем кама-тăр сывлăх сунма вăтанан-нине çирĕпле-теççĕ. Çав вăхăтрах намăс сăмахсем-пе калаçма, кăшкăрашма, черетре хирĕне-хирĕне малалла талпăнма, ватта-вĕтте тĕке-тĕке ыраттарма вăтанмасăрах пултараççĕ.

Текста малалла вулăр...

Шапарлансем каласассе

Атте пек пулатăп
Артёмка амăшĕпе вылять.
- Аçу çинчен каласа пар-ха, мĕнлерех вăл? – ыйтать амăшĕ.
- Ман атте-и? Принц! Илемлĕ, сывлăхлă тата ăслă АРÇЫН! Эпĕ те атте пек пулатăп.
- Мĕнле?
- Манăн аттенни пек чикекен шăрт пулать.
- Ăçта?
- Янахпа пит çăмарти çинче!
 
Хĕрхенекен
Аслашшĕ мăнукĕнчен чир ернипе çывăрмалли пӳлĕмре вырăнпах выртать. Асламăшĕ кухньăра ун валли сиплев чейĕ хатĕрлет. Аслашшĕ, кĕтсе ывăннăскер, кăшкăрать:
- Наталья, чей хăçан ĕлкĕрет?
- Кăштах кĕт ĕнтĕ! – кăшкăрать мăшăрĕ.
Саша та кухньăра. Сăнаса ларать. Асламăшĕ хытă кăшкăрни унăн кăмăлне каймасть.
- Ан кăшкăр! Асатте чирлĕ вĕт! – тет.
Кай кунтан!

Текста малалла вулăр...
■ Николай РОЗОВ.
пухса пынă


■ Страницăсем: 1, [2], 3.